Guwahati, Oct 17: Brahmaputra-ni a•kawe jolo dongenggipa Bengali-rangni Barak Valley-ko dingtang ma•ekate a•dok songe uamangna on•china ine Barak Democratic Front-ni dilgipa Pradip Roy-ni chakatdile dabianiko sal 60-ni gisepo ra•galchina ong•jaode uamangna dala sinjetanirangko on•gen inenba ULFA-I ka•mikkenataha.

Pradip Dutta Roy saksa Barak Valley-ko a•dok songe on•china ine Barak Democratic Front dolko bikote ku•rang on•anio dilgipa ong•achim.

“Bengali-rang ia Kachari Rajarangni sason ka•anggipa Assam-ni bako songdongchenggiparang ong•jachim. Dutta ba Roy-ni ma•gitcham pagitchamrang ia bakrango songdongnape da•alo uamangni a•a ine a•kangengaha aro ia a•kanganiko chinga raken jegala” ine ULFA-I parakataha.

Uamangni aganani gita, gitalgipa a•dokko bikotna gita Assam a•dokni kosako, Dutta ba Roy-rang namgija kamrangko ka•na chanchigiparang ong•achim aro ia kamo ‘enemy India’ ingipa dolrang chakpaaniko on•paengachim.

Barak Valley damsa Assam a•dokni bak ong•achim jeon Cachar, Karimganj aro Hailakandi a•jarang gnang aro ia biaprango Bengali ku•sikko jakkalenggipa Hindu-rang aro Muslim-rang jelbatachim. Ge 126 Assembly seatrangoni ge 13 ia jolrangoni ong•achim.

Assam a•dokni skotong Minister Himanta Biswa Sarma, Barak Valley-ni manderang dingtang a•dokko nangnike dabigenchim ong•ode maming champengani dongjawa ine September jani skanggipa antirango Barak Valley-ko grongna re•angani somoio aganmanahachim.

Iakoba poraie nina man·gen: India aro B’desh a·songni ‘Sampriti-XI’ Military Exercise-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub