Guwahati, May 31: Barak Valley jolo dongenggipa sak 1.50 lakh manderang chi banna re•anichi uamangni dongchakenggipa nok jamrangko chi ripahani gimin bang•a neng•nikanirangko man•engaha aro uamang releif camp-rango dongchakna nangao ga•akengaha.
Assam-ni Water Resources Minister, Pijush Hazarika, Cachar aro Karimganj a•jarangko nina re•angaha aro chi banna re•anio neng•nikaniko man•enggipa manderangna nangchongmotgipa dakchakanirangko on•a ku•rachakangaha.
Karimganj a•ja ning•o, dam 100 songrangoni sak 10,000 bi•sarangko man•chape sak 38,000 mangni gita manderang aro Cachar a•ja ning•o sak lakh 1-na baten chi banna re•anichi bilongen neng•nikaniko man•enga ine nikna man•a.
“Chi banna re•ani a•sel ditdobaenggipa chirangko champengsona chi ban kagiminrangba bang•an nosto ong•atako man•aha. Jemangan chi banna re•anichi neng•nikaniko man•enga, uamangna cha•a ringani aro nangchongmotgipa bosturangko on•e dakchakgen aro a•dok sorkari nirokaniko dakgen” Pijush Hazarika ku•rachakangaha.
Unbaksana, ia sal 4-ni gisepon 50 mm mangni gita mikkarang waaha jean pangna warongana batahachim aro nosto ong•ata man•giminrangko taripiltaina gipin naljokani ja•kurangko de•gen ineba ua aganaha.
Patharkandi-ni MLA, Krishenendu Paul-ba, Mizoram-o mikka jimbee waani a•selo Longai-ko chu•gimikan chi mripaha aro Patharkandi-ba chu•gimikan nosto ong•atako man•aha jeni a•selan sak hajal 50-60 manderang neng•nikaniko man•tokengaha aro bil ama dipet sorkarini gita dakchakaniko on•a jotton ka•enga ine aganaha.
Karimganj a•jani District Commissioner, Mridul Yadav, na•tok rim•e cha•enggiparangko aro gipin manderangko, Singla chibima rikamona re•angjachina ge•etaniko on•ataha.
Na·simang ia video-koba nina man·gen:
Na·simang iakoba poraina man·gen: Fire & Safety Mock Drill-ko NEIGRIHMS-o ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
