Tura, Oct 21: Rajabala-ni MLA aro Meghalaya Planning Board-ni chairman Pa Abdus Saleh-ni dongpaanio, Batabari-o donggipa health sub-centre-ko Primary Health Centre (PHC) ona ra·doatna, Meghalaya-ni skotong minister Pa Conrad K Sangma, Sukrobar salo pangchakaniko songe on·angaha.
Today we laid foundation for better healthcare services for the people of Batabari through the upgradation of the Batabari Sub Centre to a Primary Health Centre.
We are happy to start the process as yearned by the people by laying the foundation for the PHC.@mansukhmandviya pic.twitter.com/DjTBiZ2vSS
— Conrad Sangma (@SangmaConrad) October 21, 2022
Indake nikatna man·gen chong·motan, re·anggipa changni eleksinna Rajabala constituency-o campaign-ko ka·angmiting somoio Batabari-o songdonggiparang uamangna PHC-ko on·china gita dabiangtokahachim.
Pangchakaniko songe on·ao manderangna aganangengon, da·alo, Batabari songo songdonggiparangna namgipa sana-banani cholko on·na gita Batabari Sub-Centre-ko PHC ona ra·doatna pangchakaniko songaha ine aganangenba, songo-noko sagiparangna sana-banani cholrangko namdapatna gita ia sorkari gisiko nange kamrangko ka·enga ineba skotong minister parakangaha.
Unomiting palang ge 10 donggnigipa PHC-na pangchakaniko songe on·angani ja·man, progress scheme-oniko sakanti namgniko man·gnigiparangna wak bi·sarangko aro kuroiler do·bisarangkoba skotong minister suale on·angjolaha.
