Shillong, Feb 26: Batanggimin bilsi gittamni gisepon Meghalaya sorkari, lak 2.3-na baten kamrangko nakatate on·aha aro da·o bilsisani gisepo lak 1 kamrangko nakatdapate on·na kam ka·enga ine Sombar salo, Meghalaya a·dokni Chief Minister Conrad K Sangma parakataha.
Assembly-o sing·anirangna aganchakaniko on·angengon, a·song gimiko unemployment ba kamgri ong·e dongani 4.7% ong·engani gimin Meghalaya a·dokode 3%-san ong·e komibatkuenga ine Chief Minister parakataha.
Kam ka·e cha·ani dingtang dingtang cholrangko ong·katate on·na a·dok sorkari, dingtang dingtang scheme aro program-rangko ra·gate on·enga ine janapatengon, iandakgipa scheme aro program-rangoni MGNREGS, CM-Elevate, PRIME program, FOCUS, FOCUS+, Agriculture-o Mission Mode Program, Meghalaya Grassroot Music Project, Chief Minister’s Youth Centre, National Rural Livelihood Mission and Skills Meghalaya aro uandakgiparangan ong·a ine Chief Minister aganaha.
Da·o mikkang bilsi bongani gisepo lak 5.5 kamrangko ong·katate on·na sorkari kamrangko ka·enga ine janapatskaengon, bilsisani gisepon lak 1 kamrangkode ong·katatna ka·dongsoenga ine Chief Minister aganaha.
Medical department-o sak 500 doctor-rang aro sak 30 nurse-rang, police department-o sak 1000 sipairang aro Education department-o sak 1000 skigiparangko man·chape gimik 3000-na baten kamrangko sorkarini dingtang dingtang department-rango ong·katatna man·aha ineba ua aganaha.
Mikkang bilsi 4 ba bilsi 5-ni gisepo, Agriculture aro uandakgipa department-rango lak 2.5-na baten kamrangko ong·katate on·na sorkari nisanko donenga ineba Chief Minister parakataha.
District Selection Committee (DSC)-rangni gita dorgastorangna okamani dongjaenga ine matnanganiko jegalatengon, batanggimin bilsirango COVID-19 sajinmani a·sel aro da·o roster system-ko ja·rikanio kamrang matchotkujaengani a·sel DSC-rangni kamrang ja·donggaatako man·aha indiba da·omangba DSC-ni gita cholrang man·ode kamrango ra·engkua ine Chief Minister talataniko on·angaha.
Na·simang ia video-kona nina man·gen:
Na·simang iakoba poraie nina man·gen: Assam-o Chilarai Divas-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
ak ra·angtokaha.
