Shillong, Oct 5: October 8 tarikoni Surat-o ong•atenggipa BCCI-ni Women’s Under-19 One Day Cricket Tournament-o bak ra•enggipa Meghalaya a•dokni me•chik dolko dingtangmancha Bristibar salo mande ra•aniko dakenba watataha.
Meghalaya-ni Cricket dolko Meghalaya Cricket Association-ni president Naba Bhattacharjee aro gipin dilgiparang, Surat-ona dilangaha aro ia kal•susaanio bakko ra•na re•angenggipa sak 15 me•chikrangara, Dianchidora N Sangma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Kharsyiem, Janicka R Marak, Monica Singh, Emisakani Warjri, Rikmanchi M Sangma, Jayshree Singh, Awesa G Momin, Jaylynn R Marak aro Natasha Rabha ong•a.
Ia Cricket tournament-o bakko ra•na re•angenggipa me•chikrangna aro uamangna dakchakenggipa manderangna ia tom•anio dingtangmancha agan-ku•pattianirangko aro ka•dongatani kattarangkoba agane watataha.
Meghalaya dolni kal•na sienggipa dol aro tarikrangara, October-ni 8 tariko Vidarbha baksa, October-ni 10 tariko Pondicherry baksa, October-ni 12 tariko Manipur baksa, October-ni 14 tariko Tamil Nadu baksa aro October-ni 16 tariko Maharashtra a•dok baksa ong•enga.
Iakoba poraie nina man·gen: Sikkimo Pakyong airportni guare mikkana be·prakenga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
