Shillong, Dec 13: Bangladesh a•songni jakgitelaoni bilsi 50 gapaniko maniani bak gita aro 1971 bilsini Bangladesh Liberation War-o Border Security Force (BSF) sipai dolni on•gilanirangko gisik ra•na gita Sombar salo BSF dolni gita Bangladesh a•song baksa nangrime dingtangmancha ‘Cultural Program’-ko Meghalaya a•dokni Dawki ICP-o ong•atangaha.

Bangladesh a•songni jakgitelanina a•song damgnini nangrime kam ka•aniko gisik ra•na aro a•song damgnini gisepo meli nangrimaniko mesokna gita ia program-ko ong•atangaha.

Ia cultural program-ko ong•atanio Bangladesh aro India a•song damgnionin mingsinggipa sipairangni dakmesokanirangko aro Bangladesh War-o kam ka•gipa sipairangna mande ra•pilskaanirangkoba nikna man•aha.

Ia program-ko ong•atanio BSF-ni dal•dalgipa officer-rang, a•dokni dal•dalgipa officer-rang aro a•song damgnio songdongenggipa manderangba bakko ra•angtokaha.