Tura, Jan 24: Sukrobar pringo, West Garo Hills a•jani police-rang, Bangladesh a•songni mande sakchetko Hallidayganj songoniko rim•aha aro ia manderangoniko tangkuenggipa chipu manggnikoba man•aha.
Ia manderang, Bangladesh-oni Dalu gita Garo Hills-ona re•napbae, Assam-ni sima jolo donggipa Hallidayganj songona re•angaha aro ia biaponi uamang Assam-ona re•angna miksongengachim.
Indake ong•engon, Sukrobar pringo Hallidayganj-ni police-rang, nirok sandianirangko dakengmiting somoio ia manderangko rim•na man•aha aro uamangoniko tangkuenggipa chipu manggnikoba man•aha.
Rim•a man•gipa mande sakchetoni sakgnide me•chikrang ong•a aro uamangara Dalia Ojha aro Jhorina minggipa me•chikrang ong•a.
Rim•ako man•gipa me•asa sakdokara, bilsi 27 ong•gipa Pappu Sheikh, bilsi 39 ong•gipa Alif Mal, bilsi 18 ong•gipa Masirul Ojha, bilsi 37 ong•gipa Arif Sheikh, bilsi 19 ong•gipa Maherul Khan aro bilsi 35 ong•gipa Alif Mondol ong•skaa.
Ia manderangko police-rang sing•sandion, uamang Dalu gita niam gri India a•songona re•napbaaha aro iana skangde uamang Bangladesh a•songni Mitapukur aro Sabar Habra-o dongachim ine parakaha.
Ia manderangni kosako police-rang, Foreigners Act aro Passport Act-ni ning•o mokordomako segataha aro tangkuenggipa chipurangko Wildlife-ni official-rangna pakwate on•ataha.
Na·simang ia video-koba nina man·gen:
Na·simang iakoba poraina man·gen: India-o Meghalaya-ni Byrnihat songjinmaan balwa rongtalbatgijagipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
