Kolkata, May 22: Bangladesh a•songni Member of Parliament (MP) Anwarul Azim Anar, West Bengal a•dokni Kolkata songjinmao baditaba salrangna gimae dongani ja•man, da•o uko ‘so•otasa’ ine ma•sina man•aha.
Koborko on•ani gitade, bilsi 56 ong•gipa Bangladesh-ni MP, May 12 tariko an•tangko sanna gita Kolkata-ona sokbaahachim indiba May 13 tarikonin ua gimaangahachim. Ua Baranagar Police Station jolo donggipa ripengtangni noko dongengachim aro May 13 tariko, Bidhannagar-o medical check up ka•ani ja•man ua gimaahachim.
Ua May 13 tarikon gimaahaoba uni nokdangni manderang, May 18 tarikona Baranagar Police Station-o ‘missing report’-ko on•eaha.
Uni gimaani bidingo police-rangna u•iatani ja•man, West Bengal a•dokni police-rang baksa Bangladesh a•songni police-rangba am•sandianirangko dakna a•bachengaha aro uandaken Bangladesh a•songni police-rang, Anar-ko so•otanio jak dongna nanga ine chanchichipgipa mande saksako Bangladesh a•songoniko rim•na man•aha. Ia mande, an•tangni dosko ku•rachakaha ine police-rang u•iataha.
Da•o dipet police-rang, uni manggisikode man•kujaenga indiba Kolkata songjinmani New Town jolo donggipa Sanjeeva Gardens-o uko bon•kame nikrikgipa biaponiko police-rang an•chini dagirangko nikaha ine u•iataha.
Ia a•selni bidingo talbate ma•sina man•na gita Bangladesh sorkari, India sorkari baksa agangrike kamrangko ka•enga ine Bangladesh a•songni Home Minister Asaduzzaman Khan parakataha.
Na·simang ia video-koba nina man·gen:
Na·simang iakoba poraina man·gen: Kabak Yano, Nyishi jat me•chikrangoni skanggipa Mount Everest-ona doangchenggipa ong•aha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
