Tura, June 2: Tura-ni P A Sangma stadium-ko kadulgipa pakma sonibar salo be•wakanggipara, biap ra•sekgiparangko ra•galna mangmang mija bilsi rikgipasan ong•aia, ine West Garo Hills-ni Deputy Commissioner Jagdish Chelani u•iataha.
Sonibar waljatchio, sewage treatment plant aro apsan dakdimgipa indoor hall-2-ni sepango stadium-ko kadulgipa pakma mikka balwa ta•rakmiting somoio be•wakangaha.
Ia pakma be•wakanganichi stadium maming nangchakeaniko man•jaha aro ia ong•a obostani gimin u•ina gita chinga chu•gimik report-na sengengkua, ine Chelani parakataha.
Mikka jimbee waangani a•sel pakma be•wakanggipa biapo, bang•a dingtang dingtang project-rangkoba ka•engmitingchim ineba ua aganangkuaha.
Sonibar walo, ia pakma be•wakanganichi nangchakeako man•gipa nokdangna tangka gong lakh 1.3-ko on•anggen, ineba West Garo Hills-ni DC Jagdish Chelani parakataha.
“Ia indakgipa a•a ru•na ba be•wakna kragipa biaprango maming ge•etani gri rikaniara kenbegnigipa ong•a. Ia kadulgimin pakma be•wakangani gimin kobor man•a bikan, chingni DDMA dolrang, biapona re•angenba nangchakeako man•gipa nokdangni manderangko naljokgipa biapona rimangaha,” ine Chelani u•iatangkuaha.
Na·simang ia video-koba nina man·gen:
Na·simang iakoba poraina man·gen: Bimang ong•srangkugijgipa bi•sani manggisiko Umkdait-ni nala-oniko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
