Guwahati, Jan 25: Bristibar salo, Assam-o Bharat Jodo Nyay Yatra-ko ong•atanganina, Rahul Gandhi-ko, Assam Rajya Sabha-ni MP aro Chief Minister-ni secretary, Pabitra Margheritha mitelpilskaaniko dakangaha.
Kobor ra•timgiparang baksa agangrikengon, “Bharat Jodo Nyay Yatra-ko Assam-o ong•atanganina, Assam Pradesh BJP dol, Rahul Gandhi-ko mitelpilna gita ska, maina ia Yatra-ko ong•atanichi, Assam a•doko uamangni dol baditana kingking bil man•a, uko paraka. Rahul Gandhi saksa India Alliance -ni Prime Minister candidate-ba ong•a aro uni ia Yatra-ko ong•atanio sak 500 ba 600 mangni gitasan ong•kattokaha” ine Pabitra Margheritha aganaha.
Indake, Congress party da•alo bringbrangatako man•enga aro gipin ramako re•na baseskaaha. Uamang, Guwahati songjinmani hospital, skul aro college donggipa biaprangona napna gita jotton ka•skaengaha aro media-rangko miknapatna gita, Guwahati-ni jakchakgijagipa rama sorokrangkosa baseaha aro songjinmao napna champengsoenggipa police-rang baksaba uamang nanggrikaha. Ia nanggrikanio, uamang sak 4 ba sak 5 police-rangko chadrapenba saknaataha. Ian, ‘Bharat Jodo Nyay Yatra’ ong•ja, indiba ian, Yatra-ko bonatna gita on•gimin niam aro ge•etanirangsa ong•skaengaha. Rahul Gandhi, manderang baksa nangrimna gita re•baani palo be•atnasa re•baama ine Pabitra Margheritha sing•doataha.
Ia Yatra-ko tom•anio, Rahul Gandhi saksa opposition party-ni dilgipa ong•ani gimin sak 10,000 mangni gita manderang tom•batokaha. Indake, batanggimin somoirango Congress party-ni gita tom•anio altuaen sak 2,000 mangni gita manderang tom•barongaiachim, indiba da•alo re•bagipa darangan dongjaha. Miya jolrangode, manderangni kosako nampikani gimin sak 40,000 mangni gita manderang re•banaba gnang. Ia Yatra-ko ong•atanichi, Rahul Gandhi an•tangni bilko mesokaha ineba BJP dilgipa aganaha.
Unbaksana, 2026 bilsini Assembly Election-oba chinga Assam a•doko Rahul Gandhi-ko rimchaksotaia ineba ua agandapataha.
Iakoba poraie nina man·gen: NPPni Ampareen Lyngdoh MPna campaign a·bachenga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
