New Delhi, Jan 17: January 17 tarikoni January 22 tarikona, New Delhi-ni Bharat Mandapan aro Yashobhoomi baksana Greater Noida-ni India Expo Center aro Mart-o ong•atenggipa Bharat Mobility Global Expo-ko Sukrobar salo, a•songni Prime Minister Narendra Modi, a•bachengate on•angaha.

Ia Expo-ko a•bachengate on•anganio a•songni Prime Minister, jinmana aganprakatengon, ia program-ona bang•bea manderangni re•bae bakko ra•aniara a•songo manderangni gari gorarango gisik nanganiko mesokani ong•enga aro ian mikkangchi a•songna namgniko mesoksoenga ine aganaha.

Ia expo-ko salbonga saldokna ong•atanio, bang•a manderangan ia program-ona re•bae bak ra•angkugen aro bang•en gari gitalrangkoba a•bachengatgen ineba ua aganaha.

Ia expo-ko a•bachengatanio, garirangko tarianio mingsinggipa manderang, chong•motan Ratan Tata aro Osama Suzuki-naba PM Modi, mande ra•pilskaaniko dakangaha aro uamangni kamrangan mikkangchiba India a•songo garirangko tarina manderangko didiangkugen ine an•tangni ka•dongchakenganiko parakataha.

Gari tariani a•bao a•songni chadamberangni daitorangko janapangengon, batanggimin bilsirango India a•songo gari tariani kamrang 12 percent-mangni gita tang•dobataha ine PM Modi aganaha.

India a•songo Green Technology, Electric Vehicle (EV), Hydrogen Fuel, aro Biofuel-rangko namdapatna gita sorkari miksongenga ineba a•songni Prime Minister parakataha.

Na·simang ia video-koba nina man·gen:

Na·simang iakoba poraina man·gen: Tura-ni College of Community Science, Umiam-o National Symposium-ko ong•atenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub