Shillong, Nov 8: Bharat Scouts & Guides-ni chang 74-gipa Foundation Day-ko maniani bak gita Budbar salo, dingtangmancha Rajya Puraskar Rally-ko Shillong songjinmani Raj Bhavan-o ong·atangaha.
Ia rally-ko ong·atanio, Meghalaya a·dokni Governor aro Meghalaya Bharat Scouts & Guides-ni Patron Phagu Chauhan, sak 84 scouts, sak 9 Rovers, sak 76 Guides aro sak 9 Ranger-rangna Rajya Puraskar certificate-rangko on·angaha aro ia rally-o Meghalaya a·dokni Chief Secretary DP Wahlang, Meghalaya Governor-ni Secretary Dr BDR Tiwari aro gipin official-rangba dongpae bak ra·angaha.
Himalayan Wood badge course-ko matchotgipa sak 7 dilgiparangnaba ia tom·anio dingtangmancha mande ra·pilskaaniko dakangaha.
Ia Rajya Puraskar Rally-ko ong·atanio a·dokni Governor, jinmana aganprakangengon, Rajya Puraskar-ko matchotgimin scouts & guides-rangko mittelpilangenba, ia salko manianiara, Bharat Scouts & Guides-ko bikotanichi chadamberangni janggi tanganio dingtanganiko ra·bana miksonganiko gisik ra·atpilani ong·enga ine aganangaha.
A·songni namroro silroroanina kamko ka·angkuchina gita scouts aro guides-rangko didiangengon, uamangni pilak kamrangon dakchakanirangko on·na gita a·dokni Governor ku·rachakaniko on·angaha.
Iakoba poraie nina man·gen: Rangdajied United FC, M’laya Tourism-ni dakchakanichi I-League 3-o bak ra•taigen
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
