Tura, Aug 26: Songsalo dingtangmancha dakchakaniko nangenggipa me•chikrangna aro bi•sarangna dakchakaniko on•enggipa Bihari Mahila Social Welfare Society me•chik dol, Tura Missionaries of Charity-Mother House aro Monfort Dilni Bolchugre School-na ka•sae on•gilaniko dakangaha.
Tura-oni 16 km mang chel•ao donggipa Monfort Dilni Bolchugre School, jeon sak 420 mangni gita dingtangmancha dakchakaniko nangenggipa bi•sarangni skie ra•chakram school ong•achim, ua biapona re•ange 2024 bilsini August 25 tariko, President Meera Tiwari aro Secretary Mamta Srivastav-ni dilanichi, merong, dal, masala, kari aro soybean-rangko bi•sa sakantinan suale on•angaha.
Batanggimin June 29 tariko, Chandmari-o donggipa Missionaries of Charity-Mother House, jeon gisikni gita neng•nikaniko man•enggipa sak 100 mangni gita me•chikrangna cha•a ringani bosturangko jekai, merong, dal, alu, soybean, me•su, chini, to, masala aro kari-rangko ka•sae on•gilaniko dakangaha. Uni ja•mano, July 14 tarikoba, Mother House-o dongenggipa me•chikrangna ganna chinnani chola ba•ra aro biscuit-rangkoba on•gilangaha.
Ia Bihari Mahila Social Welfare Society-ko 2020-21 bilsirangni gisepo a•bachengataha aro 2023 bilsio register ka•enba, uamangni member-rangoni on•gilgimin tangka paisarangko chimonge, songsalo dakchakaniko nangenggipa manderangna on•gile dakchakaniko dakenga. Uasan ong•aigija, me•chikrangni kosako doka satani aro kragija ka•enggipa kamrangko namdapatanioba aro me•chikrangni man•gni bilrangni giminba ja•kurangko de•enga.
Una agreba, Tura songjinmao songdongenggipa me•chik aro bi•sarang jemangan dakchakaniko nangengachim, uamangna lekka pora skie ra•anio, cha•a ringani aro ganna chinnani chola ba•rangna tangka paisani gita dakchake on•anikoba dakenga.
Na·simang ia video-koba nina man·gen:
Na·simang iakoba poraina man·gen: Tura Civil Hospital-ni Cath Lab-o ja 3-ni gisepo ming 50 mang surgery ka•anio chu•soka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
