Shillong, July 7: Meghalaya a·doko load shedding ba bijoliko konta 8-oni konta 10-mang ong·pile kimitrongengani a·sel manderang neng·nikanirangko chagrongna nangtokengon, bijoli kimitani somoiko Meghalaya Energy Corporation Limited (MeECL) da·o, ka·sinsin bakkandiroroatna tik ka·angaha ine a·dokni Power Minister Abu Taher Mondal parakataha.

Power Minister-ni parakatani gitade, batanggimin somoirango sorkari, bijolirangko dam rakbee brerongani a·sel bang·en noksan ong·na gita nangahachim indiba ia bilsiode bijoliko bree jakkalna nangjana gita Power department, bijoliko nanga gitan chimongrikaha aro da·o obostarang namkalbaengahani gimin bijoli kimitaniko MeECL, ka·sinsin komiatna gita tik ka·aha.

Bijoliko bikotanio chagrongna nangenggipa neng·nikanirangni gimin sing·on, da·o dipet ia neng·nikanirangko namatna cholrang dongkujaenga indiba mikkangchide bijoli bikotaniko bariatna aro noksan ong·aniko komiatna gita jotton ka·enga ine Mondal parakataha.

Meghalaya a·doko bijoli chu·onggijaniko namatna gita sorkari, mai ja·kurangko de·aha, uani bidingo report-ko on·china gita re·anggipa Budbar salosan Meghalaya High Court, Meghalaya sorkarina ge·etaniko on·angahachim.

Iakoba poraie nina man·gen: Assam-o Adivasi bobil dolni manderang bame on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub