Guwahati, Feb 4: Bijolini bill da·o ‘zero’ ong·gnok aro iako chu·sokgipa ong·atna uni sorkari kam ka·engaha ine Robibar salo, a·songni Prime Minister Narendra Modi parakataha.

Robibar salo, a·songni Prime Minister, Assam-ona re·bae, Khanapara veterinary field-o jinmana aganprakangengon, bijolini bill da·ode zero ong·gnok aro iako chu·sokgipa ong·atna uni sorkari kam ka·engaha ine parakataha.

Budget-o uni sorkari, solar roof top ba salni bilko ra·chakgipa nokkingrangko tarie on·na tangka paisarangko chamataha ine janapatengon, skanggipa bako crore-sa manderang salni bilko ra·chakgipa nokkingrangko tarie, bijoliko bikote tangka paisarangko man·dapna aro jakkalna man·gnok ine Prime Minister parakataha.

Me·chikrangna, chadamberangna aro kangal cholgrirangna nangchongmotgipa cholrangko on·na ku·rachakaniko uni sorkari chu·sokatna man·aha ine janapatengon, crore 30-na baten manderang, Vikshit Bharat Yatra-o bak ong·enga aro uni sorkari, ramram manderangni janggi tanganiko altubatatna kam ka·enga ine PM Modi aganaha.

2047 bilsini gisepon India a·songko a·gilsako nambatsranggipa a·songrangoni damsa ong·ate, India a·songko dal·batsranggipsa economy-o gittamgipa a·song ong·atanian ia sorkarini nisan ong·enga ine talataniko on·angengon, bang·a biaprangon AFSPA-ko sorkari ra·galpilaha aro sak 700-na baten bobil dake chakatgipa manderang, bobil dolrangko watgale, tom·tomaona re·baaha ine Prime Minister parakataha.

Ia tom·bimonganio bang·bea me·chikrangba bakko ra·angtokaha aro me·chikrangna dingtang dingtang scheme-rangko ra·gate on·ahani gimin PM Modi-ko mittelpilangtokaha.

Iakoba poraie nina man·gen: US Baptist Mission-ni sakgni manderang, visa-ni niamrangko pe•anina Tezpur-o rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub