Nongpoh, April 5: Manderangni motorcycle-rangko cha·ue sakgipinna palskae alturiri tangka kamaienggipa sakgittam bike cha·urakgiparangko Assam police, mija Mongolbar attamo Meghalaya aro Assam-ni simao donggipa Jorabat-oniko rim·aha aro uamangoniko pulsar bike bolgnikoba man·aha ine koborko man·soaha.
Police-ni jakchi rim·a cha·giparangara, Sonrag Sangma, Jameson Marak aro Mukesh Sangma ong·a aro uamangoniko man·gipa motorcycyle bolgnian Assam-o register ka·gimin AS-14H-6452 aro AS-02AF-0667 nombor-rang ong·achim.
Iani bidingo police-ni aganani gitade, police-ni sekgipa ua bike bolgnikon Byrnihat joloniko cha·uahachim. Ua sakgittam bike cha·urakgiparangko da·o sing·sandianiko dakdapna gita policeni jako on·aha ineba ua u·iataha.
Iakoba poraie nina man·gen: Roster system-ni bidingo chanchirimna special session-ko ong·atchina KHNAM dabia
