Tura, Aug 10: Ia 2023 bilsini ‘Bilgaro 2W’ Bike Rally-ko Bristibar salo, Rongkhon-oni a•bachengataha aro ia Bike Rally-o Garo Hills-onisan ong•aigija Khasi Hills aro Assam a•dokrangoniba gimik sak 18 bike salgiparang bak ra•angaha.

Ia Bike Rally-ko Garo Hills Autonomous District Council (GHADC)-ni Executive Membor (EM) Grahambell A Sangma, nisanko songdoanichi a•bachengate on•angaha.

Ia bike rally-ko a•bachengatna skang, bak ra•enggipa manderangko Rongkhon-o donggipa Café Aldara-o scrutiny ka•chengaha aro uni ja•man bike rally-o bak ra•enggipa manderangni bike aro bike rally-o jakkalenggipa bosturangkoba TMSC official-rang niangaha.

Indake ong•engon, gnigipa salode, ia bike rally-o bak ra•giparangoni mitamrang saknaanirangko aro mitamrang somoi gita biapona sokjahani a•sel bak ra•gipa gimik sak 18-oni da•o sak 15-san dongaiaha ine kobor on•timgiparang u•iataha.

Ia bike rally-na donsogipa biaprang namen ga•nangjani a•sel sakgnide ja•arango mata bu•anirangko man•na nangaha aro Assam-oni bak ra•enggipa mande saksakode gastritis saani dongani gimin hospital-ona ra•angna gita nangaha ineba kobor on•aha.

Ia Bike Rally-ko August-ni 12 tariko matchotatna siengachim.

Ia ‘Bilgaro 2W’ Bike Rally-o Hub News-ba media partner ong•engachim ine nikna man•a.

Iakoba poraie nina man·gen: ATM booth-rango cha•boke ra•gipa mande sak 3-ko Assam-o rim•a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub