Guwahati, Oct 2: Da•o re•baenggipa bilsi 10-nade a•kawe jolrango songdongenggipa ‘Miya’-rangni vote-ko BJP-na nangkujawa ine re•anggipa Robibar salo, Assam a•dokni Chief Minister Himanta Biswa Sarma parakataha.
Sarma-ni aganani gitade, bilsi sokgijagipa bi•sarangko bia ka•atani aro uandakgipa kamrangko bon•ate an•tangtangko gital daktaikujaskal, uamangna ‘Miya’-rangni vote-ko nangkujawa.
BJP-na pu•ongija ‘Miya’-rang, chakpaanirangkode on•na man•aigen ineba Sarma parakataha.
Bengali agangipa Muslim-rangkosa ‘Miya’ ine okamrongachim ine nikna man•a.
Da•o Lok Sabha election sokbaahaon, ua an•tangan uamangko BJP-na pu•onjachina gita mol•molgen ine janapatengon, ‘Miya’-rang jensalo bi•saoni bia ka•ataniko dontongaha aro nokdang dakaniko ja•rikna a•bachenga, unosa BJP-na pu•onchina ine Assam-ni Chief Minister parakataha.
Assam-o bi•saoni bia ka•ataniko chu•gimik bon•atna komibeoba bilsi 10 nangkugen aro uni ja•mansa Miya-rangoniko BJP vote gilamgen ine janapatengon, je manderangan una aro BJP-na pu•ongenchim, sakgni ba sakgittamna bate bi•sarangko ba•jachina ine Sarma aganaha.
Iakoba poraie nina man·gen: Swachhta Hi Sewa Campaign-ko ong•atanio SCB-ni official-rang aro uno donggiparang bak ra•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
