Shillong, Feb 25: 1913 bilsimango rikgipa, Meghalaya a•dokni bilsi 115 mang gapgimin gitchambatgipa legal centre ba Shillong Bar Association Office, rang•gitik wa•al kamanichi nisiatako man•aha.
Ia a•sel, Sonibar walni 10:15 baji mango ong•ahachim.
Indake officialrangni aganani gitade, ia office nok boloniko rikgipa ong•ani gimin, nokgimikko taraken wa•al kamgopaha.
Ia a•sel ong•anichi, ru•uta somoirangoni donggipa ming hajalni case file-rangko kamenba nisiataha.
Indake, a•dok Skotong Minister Conrad K Sangma, Urban Affairs-ni incharge Deputy CM, Sniawbhalang Dhar baksa, ia a•sel ong•gipa biapona bakan dariangaha aro ainni kamko ka•e on•enggipa dolrangna dakchakaniko on•a ku•rachakangaha. Uni pagipa P.A. Sangma sagiba a•dokni gitcham ukil ong•ani gimin, a•dokni gamchatbegipa office nokni nisiatako man•aniko nikenba gisiko suk ong•gijakoba Skotong Minister parakangaha.
Indake, bol bri fire brigade aro sak 20 mangni gita wa•al kimitanio dakchakenggipa dolrangni krenge kam ka•anichi waljatchini 12:25 bajimango, ia wa•al kamaniko kimitna man•aha.
Na·simang ia video-koba nina man·gen:
Na·simang iakoba poraie nina man·gen: DIET Extension Cum Community Awareness Programme name matchota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
