Guwahati, Jan 27: 2025 bilsini January 13 tariko, Arnunachal Pradesh-ni Nampadha National Park & Tiger Reserve-o bilsi 12 jamano dal•gimin mongma bipako noksa ba jachipchang ra•na donue dongipa camera-oniko nikna gita man•aha.
Sikar ka•ani aro niamgri palbadingani a•sel ia reserve-o mongmarangko nikjaha ine 2022 bilsini report-o u•ina gita man•aha. Iani gisepon basakobade mongmarang wachikarini somoirango ia park gitan re•pakrongachim indiba a•briarigipa ramarang aro mikkarang waani a•sel uamangko nina gita neng•nikani ong•rongachim.
Ia gamchatbegipa salni bidingo, Forest-ni Chief Conservator, V. K. Jawal aro Range Forest Officer Biri Karba-ni dilanio uamangni dol sakki gnang see rakkianiko dakna gita man•aha. Ia jachipchango mongmarangni re•ruraani bidingo nanggipa u•iatanirangko on•an baksana uamangko ripinganio nambata ja•ku de•anirangko dakna nangchongmotanikoba mesoka. Indake, ia park-ni authority-rang ia jolo mongmarangko naljokatna gita nirok simsakaniko mangrakbatataha.
Nampadha-ni mongmarang skangode biaprang jekai, Boga Pahad, Bulbulia aro Embeyong gita Namsai aro Myanmar-ni gisepgriko jakgitele re•ramrongachim. Indiba 1996 bilsi dipet, Embeyong biaprangko mongsongbate 38 aro 52 mile anti cha•ram sambajolniko a•arang sekdraani batroroani a•sel mongmarangni re•sotgipa ramarangko champengataha. Indake, ia mongmarang da•o bang•batan park-ni Salgro jolchipak jachange dongna nangao ga•akan baksana jolrang jekai Khachang aro Miao Circle-ni Songking songrango re•mikbrange dongna nangao ga•akaha, jeni a•selan mande aro mongmani gisepo nanggrikanirang ong•enba, jolo donggipa manderang tangka paisani gita noksan ong•anirangko chagrongna gita nangaha.
Adita salrangna skang mongmako nikaniara, uamangni re•sotgipa ramarangko otaipile on•ani gamchataniko mesoka, jedakode mongmarang naljoke ramatangko re•na man•piltaia baksana mande aro mongmarangni gisepo nanggrikanirangko gelna gita man•gen. Nampadha-ni official-rang, jolo donggipa manderang aro ripinggipa dolrangko, ia ramarangko otaipile on•a aro mongmarangko naljokatna gita apsan re•bae kamko ka•na gita didiataha. Ia nichokianirangko namdapatanichi, matburingrangni ramarangko taripile on•anichi aro jolo donggipa manderang baksa kam ka•anichi, Nampadha National Park, uno donggipa matburingrangko naljokatna man•a baksana mikkangchi re•baenggipa chasongrangba iarangko nikangkuna gita man•gen.
Na·simang ia video-koba nina man·gen:
Na·simang iakoba poraina man·gen: KHADC election-na NPP MDC saksa nomination file ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
