Shillong, May 12: East Jaintia Hillsni bilsi 22 ni me·chik saksako uni mikchatang Delhini Hasanpur minggipao an·tang baksa chipchange donaha. Ia koborko knae Delhi Unit ni Khasi Students’ Union Madhu Vihar Police Station ni dakchakanio me·chikko naljokatna man·aha. KSU ni Padot Marbiang Khongwir aro dakchakgipa padot Donbok Pohrmen Delhi policerangni dakchakaniko am·eahachim, indioba dam gittam Police stationrangan, dos dakgipa mandeni dongchakenggipa biapko sandina neng·ani ong·gen ine jechakaiaha.
Indiomangba KSU uamangni kam ka·aniko dontongjaha aro bon·kamao Madhu Vihar Police Station-oni dakchakaniko man·aha. Policerang May jani 10 tarikni wal 11 bajimangoni dos dakgipa mandeni a·damko sandina a·bachenge May jani 11 tarikni pring 5 bajimango rim·na man·aha aro me·chikko naljokatna man·aha.
Dos dakgipa mandeko Madhu Vihar Police station-ona rim·ange sing·sandianiko dakaha. Pilak a·sel ong·anirangko policerang sing·sandiaha indioba dos dakgipani kosako maming mokordomako segatna me·chik jechakaha.
Na·simang ia video-koba nina man·gen:
Na·simang iakoba poraina man·gen: Nagaland University-oni battery rokomsako bikota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
