Shillong, March 30: Shillong-ni Jude Maynard Khyriem bilsi 3 ong·engon dambebatsranggipa bi·sarangoni salgisako donggiparangni bidingo aganchakna man·batgipa ong·e, Indian Book of Records 2025-o bimungtangko segataha. Ua bilsi 2, ja 10 aro sal 2 ong·mitingon minute 14, second 43-ni gisepon ming 76 sing·anirangna aganchakaniko on·angaha.
Salgisako donggiparangna uni ka·saaniara ong·telaigipa. Gipin bi·sarangni kal·anirangko kal·engmiting somoio, Jude-ara lekkarang aro a·gilsak baksa salko wilwilenggiparang aro askirangni gimin puzzle kal·anirangko namnikbatskaa. Jude-ni ma·a paa, Eric Brice Nongkynrih aro Labelle Fille Khyriem, salgisako donggiparangna gisiko nanganiko senggnangan u·ina gita man·aha. Mikkang parak porikka ka·na songreangna gita ua chonkuengani gimin, Jude-ni changa sapani jawilwat-rangko watatenba, uni record-ko serikaha.
Jude, salgisako wilwile dongenggipani giminsan u·iaigipasan ong·aija indiba uan ku·agananirangoba namen seng·begipa ong·a. Bilsi 2 ong·pition ua French, Japanese, Spanish, Hindi aro English baksana dingtang dingtang Khasi ku·sikrangkoba agana man·a. Uasan ong·aigija, ua songjinmani skotong songrangko u·ian baksana globe-oniko India-ni a·dokrangko mesokna gita man·aha.
Uni u·i-ma·sianiara lekkaonisan ong·aija. Ua uni atchutang baksa news ba koborrangko nina gita namnika, changsao uni ma·a pa map-oniko Myanmar-o banggrigipa bijangchi biapko u·ina gita man·anina aiao innampilaha. Uni gisik seng·ani gisepon, uni ma·a pa una phone ba TV niani, puzzle-rang aro lekkarangna kra·a gita somoiko jakkala.
Uni taning matsramaniko nike, salgisako wilwile dongenggiparangni bimungrangko mingna ta·rakanio Guinness World Record-koba bimung segatna man·aba donga ine ka·dongsoenga. Ua skul re·na gita tarisamsoengon, bilsi chonbegenchim ong·oba astronaut ong·na gita dal·begipa jumangko niksoenga.
Na·simang ia video-koba nina man·gen:
Na·simang iakoba poraina man·gen: Fr Bernard Laloo-ko Shillong Archdiocese-ni Auxiliary Bishop songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
