Tura, July 30: Sombar salo, a•dokni highway-6 ramao donggipa Chondonpara-o, bilsi 30 ong•kuenggipa motorcyclist saksa dumper truck gari baksa su•gakenba an•tang janggiko gimaataha, aro ua apsan somoion rama sorokko re•angenggipa saksa saknaatako man•skaaha.
Sianggipa mandeara, Chondonpara-oni Dalbison R. Momin-ni depante, bilsi 30 ong•kuenggipa Bilsrang R. Marak ong•achim.
Koborko man•soani gitade, Marak an•tangni motorcycle-o Chondonpara-oni Garoboda-ona re•angengachim aro ua rama gonggeo tempo bolsako batsekna jotton ka•ahachim, indake ong•engmitingo mikkangchini dumper truck bolsa re•baskaengachim aro uamang gari skao su•gakgrikeaha jeni a•selan, ua a•domon janggi galaha.
Iani gisepon, dumper truck gario su•gake til•anggipa motorcycle, rama sorokko re•angenggipa saksa Boiragipara, Garobadha-ni bilsi 34 ong•kuenggipa Rohita Hajongko nanggakeskaaha jeni a•selan ua bilongbee saknaatako man•ahachim aro uko sanna bannaniko on•a gita bakan Belbari Primary Health Centre-ona ra•angaha.
Ia a•sel ong•ani koborko man•soa bakan Monabari Police Officer aro staff-rang a•sel ong•chakgipa biapona dariangahachim, indake ong•genchimoba, rama a•samo registration no. ML-14/7809 gari no.ni motorcycle baksa skoo mata bua gnang janggi gri gipa mandeni manggisikosa nikena man•aha.
Indake a•sel ong•chakram biapo police dolrang dakna nanggni kamrangko ka•enba, ia a•selo bak donggipa dumper truck gariko Assam Police dolrang baksa sandina a•bachengataha.
Na·simang ia video-koba nina man·gen:
Na·simang iakoba poraina man·gen: Umiam dolong gita garirang Mongolbar sal dipet re•na man•gnok
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
