Guwahati, Aug 14: Kaziranga National Park & Tiger Reserve-o Kohora Range-na bilsi 50-na batpile dangdike on·anggipa mongma Mohanmala, Bristibar pringni bako a·gilsakko watangaha aro ian Kaziranga National Park-na dal·a gimaani ong·aha. Ua bilsi 70 ba 80 mangni gita janggi tangangaha.
1970 bilsini May 17 tariko Mohanmala-ko Kamrup-oniko Kaziranga-ona rimbaaha aro ua somoionin ia park-ko ripinge rakkianio jak on·e ua dangdike on·baaha. Ua bilsi 50-na batpilen, chi ban re·anio, a·bri a·kong re·anio aro Kaziranga-oniko matburingrangko so·ote badinggiparangko am·sandianio on·kange dangdike on·aha.
Ua namen ka·singipa aro ka·donggipa ong·achim, je biap ba camp-rangona ringrang chobatna man·jachim ua biaprangona Forest guard-rangko jrobatdilrongachim. Ua jronaba namen changgipa aro kenbegni somoio ka·dongna man·gipa mongmaba ong·achim ine Kaziranga National Park-o kam ka·enggipa offial-rang aganaha.
Ua bi·sa bima manggniko atchiataha. Mangsako Malti mingachim jean bilsi 17 ong·o siaha aro mangsara bi·sa bakgitchakkuengon siaha ine nikna man·a. Mohanmala, 2003 bilsion uni kamoni neng·takaha, indake ong·genchimoba ia park-o ua dongkuaha.
Bon·kame, buchuma ong·ahani gimin Bristibar pringni bako ua ia a·gilsakko wate re·angaha.
Na·simang iakoba nina man·gen:
Na·simang iakoba poraina man·gen: Pekatgipa samrangni bidingo mikrakataniko on•na chrokaniko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
