Guwahati, May 30: Assam a•dokni Kamrup a•jani Sanpara jolo ong•atenggipa programme-o Prasad cha•ani jaman bilsi 6 ong•gipa me•chik bi•sa saksa siaha.
Koborko man•soani gita, sak 70 mangni gita ia programme-o Prasad cha•giparang gnangchim, uamangoni sak 40 manderang, Budhbar salonin hospitalo sanna bannaniko dakengachim, una agreba sak 10 manderang hospitalo admit ka•ako man•aha.
Indake, ia manderangoni, ia bilsi 6 ong•gipa me•chik bi•saba Gauhati Medical College and Hospital-o sanna bananiko ra•engachim. Indake ong•genchimoba ua rasong gribee ua hospitalon janggi galaha.
Ia sianggipa me•chik bi•sa, Mirza-ni Kamrup National School-o klas 1-o poraienggipa Kristilina Das ong•achim.
“Bang•a manderang ia prasadko cha•ani jamano sana a•bachengtokaha. Indiba health department-ni ta•rake kamrangko ka•anichi, uamangni janggina kenanirang dongjaha aro health department-ni gita bil ama dipet manderangna dakchakaniko on•a jotton ka•enga” ine health department-ni official saksa aganaha.
Iani gisepon, district-level medical dolrangko, manderangna sanna bannaniko on•a ua songona watataha.
Ia a•sel ong•ani chong•mot a•selko u•ina man•a gita am•sandianikoba dakna a•bachengataha.
Na·simang ia video-koba nina man·gen:
Na·simang iakoba poraina man·gen: Assam-ni South Salmara jolrango mikka balwa ta•rakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
