Dibrugarh, Nov 14: Bilsini karirang dingtang ba•roroani  a•sel, Assam aro West Bengal-o cha bagan dake cha•giparangna neng•nikaniko ra•baaha. Ru•uta sal somoirangna mikka bikchirang ga•akja baksana bol wa•arangko den•e galani a•sel cha bijakrango jo•ongrang aro sabisi man•anirang batroroani a•sel, chonchongipa cha bagan dakgiparangna neng•nikanirangko ra•baan baksana, skangni dakbewalo ge•a gamani bewalkoba nosto ong•atengani gimin, iani bidingo ta•raken ja•ku de•aniko dakna gita nangchongmotenga.

Hindustan Unilever Limited (HUL) dol, chonchongipa cha bagan dake cha•giparangna dakchakaniko on•a gita, training aro awareness program-rangko a•bachengataha, jeon uamangna samtangtango donggipa ong•telaigiparangna maming nosto ong•aniko ra•bagija aro karini dingtang ong•batoroani a•sel neng•nikanirangko man•enggipa a•gilsako janggi tangna cholko man•a gita, maikai jo•ongni samrangko simsake aro ong•a bewalo jakkalna gita nangachim uni gimin u•ie ra•na gita cholkoba on•anggen.

2024 bilsini June jao, HUL dol, Assam aro West Bengal-ni sak 50,000 chonchongipa cha bagan dake cha•giparangona sokna man•a gita, Trustee Sustainable Tea Foundation baksa bilsini karini dingtangani a•sel neng•nikanirangko man•enganina dingtang mancha kam ka•enggipa aro porikka ka•gimin jo•ong siatani samrangkosa jakkalna nangani gimin u•iatani program-ko a•bachengataha.

Dibrugarh-ni TEAMAFCO aro Ranglal cha karkana-o, November jani 13 aro 14 tariko salgnina training session-ko ong•atangaha, jeon uamangna samrangko ong•a bewalo jakkalani gimin skie on•angan baksana, ban ka•gimin ba jakkalna beng•gimin samrangko jakkalani namgijani giminba mikrakataniko on•angaha.

Trustee-ni Director, Rajesh Bhuyan, ia program ong•atani gamchatani gimin aganengon, uamangni miksonganide uan cha bagan dakanio namgijagipa chemical-rangko komiatna aro PPC aro FSSAI-ni on•gimin ge•etanirangko ja•rikanian ong•a ine aganangaha. Bilsi karini dingtangroroba•anichi jo•ongrangni a•sel neng•nikani batroroengon, cha bagan dake cha•giparang ia neng•nikanirangko olgrokatna gita iani bidingo u•i ma•siani baksana ostro-rangkoba nangenga. Cha bijako on•a beng•gipa samrangko jakkalaniko bregiparangsan jegalaia ong•ja indiba ian tangka paisani gita noksankoba ra•baa ineba ua aganangaha.

Ia program-ko a•bachengataoni, ia bilsini November ja a•bachengona ge 80 cha karkanarang baksana sak 24,000 mangni gita chonchongipa cha bagan dakgiparangona sokna gita man•aha.

Ia training-ni bak gita, cha bagan dake cha•giparangna TeaPlus+ App-ko a•bachengate on•angaha jean karini dingtangani a•sel neng•nikanirangko chagrongani somoio jakkaltobegipa ostro mingsa ong•a.

Ding•ani batroroan baksana ru•uta sal somoirangna mikka bitchirang ga•akjani a•sel uamangni gitcham dakbewalo gita gama ge•anirango namen neng•nikanirangko man•engon, ia training-o uamangni gama ge•aniko naljoke rakkiani cholrangko mesoke on•an baksana kari dingtangroroba•ani a•sel neng•nikanirangko man•ani gisepon tangka paisa man•gnini giminba skie on•angaha, inenba ia training-ona re•bagipa cha bagan dake cha•gipa saksa u•iatangaha.

Na·simang ia video-koba nina man·gen: 

Na·simang iakoba poraina man·gen: Loyola School-o Children’s Day-ko maniani bak gita chi bananichi duko ga·akenggiparang on·giltoka

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub