Imphal, Feb 10: National People’s Party, N Biren Singh-ni kamtangko watahani gimin BJP sorkarina chakpaaniko on•angkugen ine MLA Shiekh Noorul Hassan parakataha.
Kobor ra•timgiparang baksa agangrikengon, NPP dol Biren-ni chalaienggipa sorkarina chakpaaniko ra•galahaoba ma•mongo sorkari chalaienggipa NDA sorkari baksa bakrime kam ka•aniko watgaljaha aro ua da•alo Skotong Minister-ni kamoniko watahani gimin Manipur a•doko chalaienggipa BJP sorkarina chakpaaniko on•angkugen ine MLA Noorul Hassan janapataha.
Biren Singh-ni sorkari chalaiengmitingo, Manipur a•doko so•sojengjeng ong•aniko tom•tomaniko ra•bana aro namdapatna ua man•jaha, indake ong•genchimoba ua kamtangoni watahani gimin a•doko tom•tomaniko man•pilna aro namroro silroroaniko nikna ka•dongsoenga ineba MLA Noorul Hassan janapdapataha.
A•doko Skotong Minister-ko songani bidingo sing•aniko dakon, ia sing•anina uade aganchaknagipa mande ong•ja ine aganan baksa, gital Skotong Minister-ko seokanide ma•mongko chalaienggipa BJP sorkario aro unbaksana a•dokni Governor-osa pangchaka ine MLA Noorul Hassan aganchakaha.
Na·simang ia video-koba nina man·gen:
Na·simang iakoba poraina man·gen: ADC election-na KHNAM-ni ming 15 ku•rachakanirangko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
