Guwahati, June 12 : Gimaroroangenggipa soginrang, jean bisi gnang cha•anirangko cha•man•e sianiko nikna gita man•engachim, uamangko naljoke aro ripinge rakkina gita, mang 11 sianggipa soginrangna “Addya Shraddha”-ko, Assam a•dokni Tinsukia-ni Ratanpur songo dakatangaha.
Re•anggipa June jani 1 tarikoba, mang 3 soginrangko bisi cha•mane nome dongako man•aha, indake uamangko sanna bannaniko dakenba mongolbar salo watatpilaha.
Doom Dooma Forest Division-ni ning•o donggipa Sadiya Forest Range-ni staff-rang, Tinsukia-ni Wildlife Trust of India, jolni NGO-rang, songni manderang aro chatro chatrirangba ia soginrangni siani sal 11-gipao ong•atgipa program-o bakko ra•angtokaha.
Sianggipa soginrangoni, bang•batan Himalayan Griffon ba sko-o kimil gipok chagipa sogin ong•achim, jeoni mangsasan ta•raken gimana sienggipa sogin ba white-rumped vulture ong•achim.
Ia soginrangko, June jani 1 tariko Simul bolni salikimoniko man•ahachim aro bisi cha•man•e sigipa matchuni manggisiko cha•ani a•selsa ia soginrang siahakon inenba chanchichipenga.
Ia salo, soginrangni siani gimin chanchirimna tom•bimonganiko dakan baksana, gimaroroangenggipa soginrangko ripingna nangani gamchatani giminba awareness program-ko ong•atanga.
Na·simang ia video-koba nina man·gen:
Na·simang iakoba poraina man·gen: Assam-o chatrirangna Nijut Maina Scheme-ko parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
