Shillong, Sept 07: Mikkang nitee dakani kamrangko janape BJP doloni ong·katani salsagipao, Mawsynram-ni MLA gitcham Pa HM Shangpliang, re·baenggipa September 13 tariko niam gita National People’s Party (NPP) dolo napangskana am·enganiko parakangaha.
Ia kattako ua Bristibar salo kobor ra·timgiparangna aganangengon, jensomoio ua NPP dolo napangahaon NPP high command-ni una on·gipa daitorangko ua jedakeba chu·sokatna gita kusi ong·gen ine parakangaha.
Pa Conrad K Sangma-chi re·dilenggipa NPP dolko batanggimin 2019 bilsio national party ine chanaha, jean salgro-salaram India-onide iandakgipa gadangko man·chenggipa political dol ong·enga.
Uni NPP dolo napna miksongani a·selara, kobor jangbingbangani gita re·baenggipa 2024 bilsini Lok Sabha eleksino Shillong-oni susana miksongengani giminsa ong·ama ine sing·anina ua iani gimin aganchakna gita jechakange, a·dokni BJP dolo mikkangchini gimin anga ka·donganiko nikatjaha aro doltangon dongkamna sikgenchimoba, dingtang dingtang bang·a neng·nikanirang gnang aro chingni kaman manderangna dangdike on·nasa ong·ani gimin, iandakgipa dolni ning·o meligrikgijanirang aro mikkang nitee dakani kamrangde dongna gita nangja ine Pa Shangpliang aganangaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
