Shillong, March 18: Budbar salo, Shillong-ni Jawaharlal Nehru Stadium-o FIFA International Football Friendly Match ba robol kal·susaanio, Blue Tigers minggipa India-ni a·gipibatgipa me·asa dolrang, Maldives dol baksa kal·susaaniko dakanggen. Ian India-ni skanggipa International match-ko Shillong-o ong·atchengani ong·an baksana, Blue Tigers dolrangna, AFC Asian Cup 2027 Qualifier-na Bangladesh baksa March jani 25 tariko kal·na ranta ka·soaniba ong·enga.
Head coach, Manolo Marquez, Shillong-o ia robol kal·susaaniko ong·atna sian baksana uamangni robol kal·anina gisiko on·ani aro robol kal·aniko namnikanina kusi ong·aniko parakataha.
Warachake kal·gipa Mehtab Singh, a·doko songdongenggipa manderang robol kal·aniko namnikgiparang ong·a ku·mongpaaniko on·ataha. Uamangni dal·begipa susaanina, uamangko tarisamsona gita friendly match uamangni dolna namen gamchatbegipa ong·a ine Marquez aganangskaaha.
India-o goal chipbatgipa, Sunil Chhetri-ni, International Football-ona re·bapilna parakatchengaoni, ian uni 152-gipa kal·susaani ong·enga. Robol kal·susaanio bilsina bate name kal·anian gamchatbatgipa ong·a ine Marquez janapataha.
A·gilsak gimiko 162-gipa gadango ong·enggipa, Maldives dolba, ia kal·susaaniko Asian Cup qualifier-o Phillippines baksa kal·susaanina ranta ka·soani gita ra·skaenga. Uamangni coach, Ali Suzain, India-ni dol rakbegipa dol ong·ani gimin uamang rak·begipa kal·susaanina ka·dongsoenga ineba parakataha.
Na·simang ia video-koba nina man·gen:
Na·simang iakoba poraina man·gen: BTC-ni gitcham Executive Member aro BJP-ni dilgipa Reo Reoa Narzihary BJP doloni ong·kata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
