Guwahati, Feb 13: Operation PRAGHAT-ni ning•o Assam-ni Special Task Force (STF), Andhra Pradesh aro Tamil Nadu a•dokni police-rang baksa nangrime Bangladesh-o bobil dake chakatenggipa Ansarullah Bangla Team (ABT) aro Jamaat-ul-Mujahideen dolni Abu Salam Ali minggipa mandeko Budbar pringwalo rim•na man•aha.
Rim•ako man•gipa mandeara, Assam Dhubri a•jani Khudigaon Part-II-o donggipa Kuddus Ali-ni depante ong•achim aro uko police-rang, Chennai-oniko rim•na man•aha.
Ia mandeko police-rang, re•anggipa 2024 bilsini December 17 tarikonin, uni ong•gija dakgipa kamrangna rim•na sandiengachim aro uandaken Assam-ni STF, ia mandeni bidingo koborko man•soenba, Budbar pringwalo, Andhra Pradesh aro Tamil Nadu police-rangni dakchakanichi rim•na man•aha.
Police-rangni u•iatani gitade, rim•ako man•gipa Abu Salam Ali-ara, India a•songni salgro salaram jolrango aro dingtang dingtang biaprango, bobil dake chakatenggipa dolrangko mangrakbatatna Nur Islam Mandal aro Shahinur Islam baksa nangrime kamko ka•gipa ong•achim.
Na·simang ia video-koba nina man·gen:
Na·simang iakoba poraina man·gen: Meghalaya-o niamgri koela bikotaniko bon•atna drone-chi am•sandianiko dakchina Justice Katakey didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
