Guwahati, Sept 02: Sombar pringni 5:30 bajimango, Imphal-ni saliram jolrango donggipa Sekmai a•ja aro Kangpokpi a•jani gisepo gogrikani ja•man, a•brijolrangniko bobil dolrangko am•sandichina ine police dolni skotongna, Manipur sorkari ge•etaniko on•ata.
Koutruk songko u•isamsona man•gijagipa chadrapanio, high-tech drone-rangko jakkale bang•a RPGs ba Rocket-Propelled Grenade-rangko, Kuki bobil dolrang galonaha aro uarangoni komibeoba rong 7 bomb-rang bretaha ine Manipur police officer aganaha.
Indake Robibar walni bako ia a•sel ong•anichi bang•a nokrangko aro garirangko wa•al kamgopako man•ahachim.
Ua songo donggipa manderangni nok jamrang wa•al kamako man•ahani gimin uamang skul nokrangosa dongchakengaha aro uamangni kosako iandake chadrapaniara uamangni noktangoniko drae a•rikgalani ong•a ine ua songo donggipa manderang aganaha.
Director General of Police, bang•bata somoion mikrake dongchina aro a•brijolrango sandirikitaniko dakangkuchina Superintendent of Police-na ge•etaniko on•ataha.
Robibar salo bobil dolrangni Koutruk songko chadrapanio, Meitei jatrangoni bilsi 31 ong•kuenggipa me•chikma saksani janggiko gimaataha aro uni bilsi 12 ong•kuenggipa demechik, sakgni police-rang aro TV reporter-ko chanchape sak 10 mangni gita saknaatako man•aha.
Indake Kuki jatrangoni songdong a•chaenggipa manderang, Meitei jatrangsa Kuki jatrangni dongchakenggipa songrangko chadrapchengaha ine matnangataha.
Na·simang ia video-koba nina man·gen:
Na·simang iakoba poraina man·gen: Kuki-Zo volunteer-rang Meitei bobil dolrangna mikrakataniko on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
