Guwahati, May 7: Pahalgam-o bobil dake chakatgipa manderangni skatang goanio sak 26 dosgri manderang so•otako man•ani ja•man India-ba, Pakistan aro Pakistan-occupied Kashmir (PoK)-o bobil dolrangni dongnuchakenggipa damsku biaprangko, ‘Operation Sindoor’ ine bimingko donenba, bomarangchi chadrapna a•bachengatskaaha.
Ia chadrapaniko Budbar pringwalni 1:05 bajimango a•bachengataha aro minute 25-ni gisepon matchotataha. Indian Army-ni chadrapanio badita sak bobil dake chakatgipa manderang so•otako man•aha, iani giminde da•o dipet sorkari parakskakujaenga.
Ia ‘Operation Sindoor’-ni bidingo talataniko on•angengon, intelligence-ni u•iatanio pangchakesa, bobil dolrangni dongnuchakenggipa biaprangko chadrapaha aro ia biaprangko bomarangchi goanio, ramram manderangnade nangchakeani dongjana gita, biaprangko nisan ka•aha ine Budbar pringo, India a•songni Foreign Secretary Vikram Misri parakataha.
Misri-ni aganani gitade, 1971 bilsio Pakistan baksa dakgrikaoni ian India-ni skanggipa tri-service operation ong•aha aro Pakistan a•songo bobil dake chakatgipa dolrang, changni chang India a•songona re•bae, dosgri manderangko so•ote galengani giminsa da•alo bobil dake chakatgipa dolrangni dongnuchakenggipa biaprangko chu•gimik nisigalna ia operation-ko ka•aha.
Pahalgam-o ong•gipa a•selni bidingo janapatengon, bang•bata manderangkon bobil dake chakatgipa manderang, skorangosa goe galaha aro uamangni nokdangni mikkangosa so•ote galahani gimin a•jak sokskana gita Operation Sindoor-ko ka•aha ine Foreign Secretary aganaha.
Budbar pringwalo India-ni chadrapgipa biaprangara, Lashkar-e-Taiba, Jaish-e-Mohammed aro Hizbul Mujahideen-ko man•chape Pakistan a•songo bobil dake chakatgipa dingtang dingtang dolrangni biaprangan ong•a ine me•chik Army officer-rang, chong•motan Colonel Sofiya Qureshi aro Wing Commander Vyomika Singh parakataha.
Na·simang ia video-koba nina man·gen:
Na·simang iakoba poraina man·gen: Pahalgam-o so•ota man•giparangna India-ni chadrapaniko ‘Op Sindoor’ ine biming dona
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
