Boko, Aug 10: COVID-19 sajinmani ja•man da•o Assam a•dokni Kamrup a•ja ning•o donggipa Boko jolrango mikron saanirang batrikrikskaenga ine kobor on•aha.

Iani bidingo, Kamrup a•jao donggipa Health Service-ni Joint Director Dr Mohitosha Banerjee, kobor ra•timgiparangna talate on•angengon, ian kenna nanggipa sabisi ong•ja indiba saoba mikron saaniko man•genchimode, gipinrangna batrikrikjana gita noko dingtang nape dongna man•o nambata ine parakataha.

Mikron saaniko man•on, ta•rake nampilna man•a gita eye specialist-rangona re•ange agan-ku•pattianirangko ra•china aro an•tangtangko rongtal an•tale rakkichina gitaba Dr Banerjee ku•pattiataha.

Mikron sagipa manderang check up-na re•baon, nanga gita kamrangko ka•chinaba ua Kamrup a•jani ning•o donggipa health centre-rangko didiataha.

Boko jolrango donggipa bang•bata LP skul, high skul, higher secondary skul aro college-rango poraienggipa chatro chatrirang, skigiparang aro office-rango kam ka•gipa manderangba mikron saaniko man•tokenga ine koborrangko on•ahaon iako, Boko BPHC-nni SD&MO Dr Mantu Kumar Das-de jegalatskaenba, da•o dipet Boko PHC-o mikron sagipa manderang register ka•a dongkuja ine talataniko on•ataha.

Boko jolrango da•o dipet eye specialist-rang dongkujani a•sel mikron saaniko man•on neng•nikanirangko chagrongna nangrongenga ineba Dr Das parakataha.

Iakoba poraie nina man·gen: Pekatgipa bosturangni namgijani bidingo chatro chatrirangna talate on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub