Boko, Jun 26: India sorkarini ning•o donggipa North-East Centre for Technology Application & Reach (NECTAR), Boko-ni Jawaharlal Nehru College baksa nangrime, Remote Pilot Training Organisation (RPTO) ba Drone Pilot Training Centre-ko kuliaha.
Ia RPTO-ko June-ni 25 tariko, skanggipa me•chikrangni batch-na Boko-ni JN College-o oprake on•angaha.
Ia centre-ko kuliani bidingo jinmana talate on•angengon, Directorate General of Civil Aviation (DGCA)-ni permission-ko man•chengani ja•man uamang, NECTAR baksa nangrime JN College-o Drone Pilot training program-rangko a•bachengataha ine Boko JN College-ni principal Dr Tapan Dutta parakataha.
Ia training centre-ko kuliani bidingo NECTAR-ni Director General Dr Arun Kumar Sarma-ba talataniko on•angengon, skanggipa batch-o Meghalaya, Tripura, Arunachal Pradesh, Nagaland aro Assam a•dokrangoni re•bagipa me•chikrangna skie on•angchenggen ine parakataha.
Ia dambong a•dokni sak 10 me•chikrang, ma•mong sorkarini ‘Drone DiDi’ scheme-ni ning•o salbongana indin skie ra•na cholko man•gen ineba Dr Sarma aganaha.
India a•songo lak 1-na baten drone pilot-rangko nangengani gimin ia college-o drone pilot training centre-ko kuliaha ine janapatengon, Bhutan, Nepal, Bangladesh aro uandake samba jolo donggipa a•songrangoniba ia centre-ona re•bae skie ra•na gita uamang cholrangko on•enga ine Dr Sarma parakataha.
Na·simang ia video-koba nina man·gen:
Na·simang iakoba poraina man·gen: Garo Hills-o me•chik saksako ka•saninggija dokani bidingo am•sandianiko dakchina Tura-ni DC ge•eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
