Boko, Apr 23: Mi a•palrango donggipa bengbongrangko rim•e badingsrukengani a•sel mi misirangna nangchakeanirangko nikna man•engahani gimin Boko jolo donggipa Kaithpara songni manderang, bengbong badingsrukenggipa sakdok manderangko rim•aha aro ia manderangoniko bang•bea bengbongrangko rim•e, ja•mano mi a•palrango watpilataha.
Ia jolrango bengbongrangko rim•e pale cha•anirangko nikengoba maming ja•kurangko de•jaengani gimin Boko jolo donggipa dingtang dingtang songni manderang, West Kamrup Forest Division-ni official-rangkoba matnangataha.
Jolo songdongenggipa manderangni u•iatani gitade, Sombar walo uamang, mi a•palrangoniko bengbong rim•e, palna ra•angna gita bostarango chipengmitingko nikdike rim•na man•aha aro ia manderangko sing•sandion uamang ia bengbongrangko Meghalaya-o palna gita ra•angenga ine ku•rachakaha. Bengbongrangko jorao gong 100-oni gong 150-mangona palna man•a ineba bengbong badinggiparang, songni manderangna parake on•aha.
Iani bidingo songni manderang, West Kamrup Forest Division-ni ning•o donggipa Singra Range Office aro Nagarbera Riverine Range-ni official-rangna u•iaton, ia jolrangara uamangni a•jao ga•akgipa biaprang ong•ja ine official-rang, iako jako ra•na jechakskaaha.
Iandake forest official-rangoni maming dakchakanirangko man•jahani gimin songni manderang an•tangtangan bengbongrangko rim•e, mi a•palrango watatpilaha aro bengbong badinggiparangko mikrakataniko on•e watpilaha.
Bengbongrangara mi a•palrango mi misirangko nosto ka•e galgipa jo•ongrangko cha•gipa ong•skaani gimin mi misirangko silatna namen dakchakani ong•a ine nikna man•a.
Indake ong•engon, ia apsan salon Boko-ni police-rang, Singra Forest Range Office-oni metre 100-mang chel•ao, niam gri bolsal salangenggipa mini truck bolsako Boko Bazar-o rim•na man•aha ine u•iataha.
Ia truck gario dot 14 bolsalrangko rim•na man•aha aro unbaksana ia bolrangko salangenggipa mande sakgittamkoba police-rang rim•aha.
Na·simang ia video-koba nina man·gen:
Na·simang iakoba poraina man·gen: Pahalgam-o bobil dolni chadrapaniko jegale Guwahati-o jinma re•joma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
