Boko, Apr 21: Pangna bilsi manirongbaenga gitan Robibar saloba, chang 113-gipa Annual Suwori Bihu-ko Kamrup a•jani Boko-o donggipa Suwori Field-o maniangtaiaha aro ia manianio dingtang dingtang biaprangoni ritchani ritcha manderang re•bae bak ra•angtokaha.
Ia Suwori Bihu manianiko Rongali Bihu maniani snigipa salo manironga aro ia manianio Boko jolo songdongenggipa dingtang dingtang jatrang, jekai Rabha, Bodo, Garo, Gorkha, Koch Rajbongshi aro uandakgipa gipin jatrangba, an•tangtangni daka rikanirangko mesoke bak ra•angaha.
Ia manianio dingtang dingtang susaanirang, jekai budu salgrikani, to nonggimin wa•ao gadosusaani, pante me•trarangni katsusaani, gure katsusaani, mongma katsusaani aro uandakgipa susaanirangkoba ong•atangaha.
Ia manianio Bihu chrokani baksana Rabharangni ‘Farkanti aro ‘Bogejari’ chrokani, Bodorangni ‘Dhwimali’ aro ‘Mawsaglang’ chrokani, Garorangni ‘Wangala’ chrokani, Koch-Rajbongshirangni chrokni, Gorkhali chrokani aro uandakgipa gipin jatrangni chrokanirangkoba nikna man•aha.
Ia manianio, Assam Khasi & Village Industry Board-ni Chairman Dr Kamala Kanta Kalita, Boko-ni gitcham MLA Jyoti Prasad Das aro gipin dilgiparangba bak ra•angtokaha.
Na·simang ia video-koba nina man·gen:
Na·simang iakoba poraina man·gen: Bangladeshni mande sakgniko matchu cha·uanina Tripurao rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
