Boko, Jan 20: Boko-ni Public Health Engineering (PHE) department, ia jolrango donggipa dingtang dingtang songrangna aro sorkari department-rangnaba ringna namgijagipa chiko on•enga ine songni manderang matnangattokaha.

Jolo songdongenggipa manderangni u•iatani gitade, 1 No Dakuapara, 2 No Dakuapara aro gipin songrangoba mitchibegipa aro biba senggipa chirangkosa ringna nangtokengachim.

Jal Jeevan Mission (JJM)-ni chirangkoba ia songrango donggipa manderang da•onan man•tokkujaenga ine u•iatengon, ia songrangna PHE department, mitchigipa chirangkosa on•engani a•sel neng•nikanirangko chagrongna nangtokenga ine songni manderang parakataha.

Iani bidingo, PHE Boko Sub-Division office-ona re•ange nion, ia campus-o water supply project ge•gni donga ine nikna man•aha indiba ia project ge•gnion chirang namen mitchia ine nikna man•aha.

Ia chirang mitchiani gimin office-o 4th grade-ni kamko ka•enggipa mande saksa Gautam Chandra Boro-o sing•sandion, ia chirang mitchiani gimin ua an•tangni dal•batgipa officer-rangna baditaba chang aganahachim ine ua ku•rachakaha.

Ia Boko PHE office-o Sub-Divisional Level Laboratory (SDLL)-ba dongachim aro ia chirangni report-ko SDLL-ni assistant chemist Hitesh Talukdar-o bi•on, ua report-ko mesokna jechakaha ine kobor on•timgiparang parakataha.

Uamang ia chiko bilsisamang skangsan porikka ra•e niahachim indiba report-kode man•kuja ineba SDLL-ni assistant chemist, kobor ra•timgipana aganaha.

Kobor on•timgipani u•iatani gitade, SDLL-ni manderang, Anganwadi centre-rangni chirangko porikka ra•e nina nangani gimin dingtang dingtang songrangna on•enggipa chirangkode porikka ra•e nina somoi man•ja ineba SDLL-ni assistant chemist una aganchakaha.

Iani bidingo Boko PHE-ni SDO Ameet Das-o sing•sandina jotton ka•ahaoba ua aganchakaniko on•jaha ine kobor on•timgiparang parakataha.

Na·simang ia video-koba nina man·gen:

Na·simang iakoba poraina man·gen: Seoul-o ong•atgipa Advantage Assam 2.0 roadshow-o sak 140 mangni gita badingchiwalgiparang bak ra•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub