Shillong, September 13: Sukrobar salo, Voice of the People Party (VVP) dolrang, salantio jakkalna nanggipa bosturangni damrang tang•dororoani gimin Malki Football Ground-o salsana a•songe jegalaniko pringni 10 bajioni attam 5 bajiona ong•atangaha.
Ia jegalaniko dakanio, VPP-ni dilgiparang baksana party-ni President Ardent Basaiawmoit, Shillong-ni MP, Dr. Ricky AJ Synkon, MLA Adelbert Nongrum aro uamangna chakpagiparangni sorkarini kosako matnange segimin lekka paltakrangko ra•enba jegalaniko nikna gita man•aha.
Jegalaniko dakgipa dolni aganani gitade, ia jegalaniko dakaniara salantio jakkalgipa bosturangni damrang batroroengani kosako an•tangtangni bilko mesokani ong•enga maina iani a•sel ramram manderangsa neng•nikanirangko man•skaengachim.
Tom•anio aganengon, VVP-ni President Ardent Basaiawmoit, bosturangni dam rakaniko nirokatja ine sorkarini kosako matnangatengon, ian ramram manderang baksa maming agan-golpogrikani ba chanchirimani donggijaniko mesoka ineba aganangkuaha. Bosturangni damrangko komiatna gita ta•raken ja•ku de•aniko dakchina gitaba ua dabiangaha.
Na·simang ia video-koba nina man·gen:
Na·simang iakoba poraina man·gen: Baghmara-o Capt Williamson Memorial Football Tournament-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
