Tura, Sept 4: Botanical Survery of India (BSI)-ni manderang Garo Hills joloniko microfungal sandiengon balgitorangkoba sruksruk ra·aha ine A·chik Underground Exploration Society (AUES) matnangaha. Uamangna microfungal sandinasan on·aiachim indiba uamangoniko balgitorangko man·aha ineba aganaha.
East, West aro South Garo Hills jolrangniko microfungal sandina gita BSI dolni manderang re·anggipa jani 25 tariko Meghalayani Principal Chief Conservator of Forest & Wildlife aro Chief Wildlife Warden-o bi·aha. Uamangni dolo Dr. Dyutiparna Chakraborty (Scientist C), BBT Tham (Botanist), Dr. L.R. Meitei (Botanist), Debala Tudu (Botanical Assistant), Lovelystar Marbaniang aro laikmenlang Buhphang donga.
August 14 tariko uamangni bi·ana bil on·ani gitade uamang sorkarini rakkienggipa biaprang aro national parkrango napani ong·ja baksa Wild Life (Protection) Act, 1972 aro Schedule of the Wild life (Protection) Act, 1972-ni ning·o napatgijagipa sam-bol aro matburingrangkosan sandina man·achim.
Uasanja, sandina gita uamangna August 16 tarikoni 27 tarikonasan on·aha.
Baghmarao BSI dolni dongchakenggipa biaponiko August 25 tariko AUES-ni manderang re·ange sandion balgitorangko bosta 4 chipe donengako nikaha. Uan niamni a·palo ong·a ine AUES-ni manderang ua jolni Forest & Wildlife Department-na aganaha. Unosa departmentni manderang re·ange balgitorangko uamangoniko kepaha.
Balgitorangko bosta 4 nikahaon uarangko rim·china gita forest departmentna aganeaha. DC, Forest Officeni manderang aro Nokma-o mamingkoba sing·chenggija uamang sikatang dakaha” ine AUES-ni Organising Secretary Mahan M. Sangma aganaha.
Hub News-ni manderang iani bidingo talna ine Balpakram National Parkni Director Nazia R D Marak-o sing·eaha. Uni aganani gitade, BSI dolni microfungal sandina re·baengani koborko uamang man·soaha. Indiba uni aganani gitade, sandie nion BSIni manderang balgitorangko Baghmaraona dakanggipa ramani samtangtango donggipa balgitorangko ra·aha ine u·ina man·aha.
“Ua balgitorang Wild Life (Protection) Act, 1972-ni ning·o ong·ja, uni gimin uarangko ra·anide mamingba ong·jachim. Indiba uamanga microfungal sandina hukum man·esa re·baani gimin chinga balgitorangko ra·rikaha. Uamang lekkarangko name tarie aro hukum man·e re·baode Wild Life (Protection) Act of 1972-ni ning·o napatgijagipa balgitorangkode man·genchim” ine Nazia RD Marak talataha.
Ia obosta ong·anikon gamrangko sandirikkitani niamrang raka aro indake sandirikkitani kamrango a·doko bil man·giparangko gronge niam gita dakna nanga ine u·ina man·a.
Na·simang ia video-koba nina man·gen:
Na·simang iakoba poraina man·gen: Tripura police aro BSF dolrang bilsi 16 ong•gipa me•chik bi•sani manggisiko Bangladesh-ni authority-rangna pakwatata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
