Dibrugarh, July 2: Dibrugarh a•jani ning•o ga•akenggipa Maijan sepangjolni Brahmaputra Chibimani chijangchio chimonge donggipa an•chengo sal 3-na jachange donggipa sak 13 na•tok rim•e cha•gipa manderangko Indian Air Force (IAF) dolrang Mongolbar pringni bako jokataha.
IAF dolrang uamangko Brahmaputra-ni Chapori-oni Mohanbari Air Force Camp-ona sildorengo salangaha.
Indake, ia jachange donggipa manderangko, Sombar salni bakon SDRF dolni gita jokatna jotton ka•ahachim, indake ong•genchimoba, Brahmaputra Chibimani chi ta•rakbeani a•selo uamang walpilangna nangao ga•akaha.
Indake iani gisepon, Dibrugarh-ni Khowang sepangjolo donggipa Buri Dihing chibimako kabatgipa Gammon dolongba bang•en bretaha.
Una agreba, Sivasagar-oni Dibrugarh-ona re•enggipa ramao chanbatgipa dolongba, Sivasagar-chipakni bre•gruangahachim, jeni a•selan rang•gitik a•sel ong•anina kenchakani ong•ahani gimin jregipa bosturangko gate salangenggipa garirangni re•a doaniko champengatna nangao ga•akskanaba dongaha.
Dibrugarh-ni District Administration, nosto ong•ata man•gipa dolongko nichengani ja•mano iarangni bidingo u•iataniko dakangskagen.
Iani gisepon, Dibrugarh songjinmao chi ban re•anichi sikonge dongenggipa chirangko satgalna ge 8 bilakgipa pump-rangko jakkalnasia ine Dibrugarh-ni MLA Prasanta Phukan parakataha.
Skotong Minister Himanta Biswa Sarma-ba, Dibrugarh-o chi ban re•ani bidingo phone gita nipiltaianiko dakangenba, chi ban re•aniko champengsoani cholrangko am•sandichina chu•gipa gadangni expert dolrangko ge•etataha.
Na·simang ia video-koba nina man·gen:
Na·simang iakoba poraina man·gen: ‘Pani Puri’-o cancer ong•atgnigipa rokomanti bosturangko brina ine Food Safety Department-ni sandianio u•ia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
