Shillong, Nov 18: Brigipa Shillong Literary Festival-ko Sombar salo, Shillong songjinmani Ward’s Lake-o a•bachengataha aro ia festival-ko a•bachengatanio, Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia Shillong Literary Festival-o dingtang dingtang biaprangoni sea jotanio gisik nanggipa manderang, jekai India a•songni Jackie Collins, Shobhaa De, Padma Shri aro gipin upattirangko man•gipa aro Peodo segipa Vikram Seth aro gipinrangba re•bae bak ra•enga.
Ia Literary Festival-ko do•ga oe on•anganio a•dokni Chief Minister, jinmana aganprakangengon, Meghalaya a•dokoba bang•a manderangan sea jotanirango gisik nanggiparang ong•ani gimin uamangni sea jotanirangko nambatatna aro gipinrangkoba didina gita dingtang dingtang biaprangoni ki•tap serakgipa manderangko rimbae apsan tom•chimongna gita ia festival ba manianiko ong•atenga ine talataniko on•angaha.
Ia festival-o bak ra•anichi sea jotanio gisik nanggipa a•doktangni manderang, gipin biaprangoni re•bagipa manderangoniko skie ra•na aro an•tangtangni changa sapanirangko mesokna gita cholko man•gen ineba ua aganaha.
Chief Minister-ni aganani gitade, ia Literary Festival-ko ong•atani gipin miksonganiranga, manderangni gisepo poraina gisik nanganiko ong•atna aro sea jotanio gisik nangchina manderangko didinaba ong•enga.
Sea jotaniranga a•doko songdongenggipa Tribal manderangni daka rikanirangko ripingna chol ong•a ineba ua aganaha.
Chief Minister’s Scholars Program-ni bidingo talataniko on•angengon, ia program-ni ning•o a•dok sorkari, sak 50 research scholar-rangna, uamangni kamrango dakchakanirangko on•enga ine Chief Minister parakataha.
Hotel, homestay aro uandakgipa nokrangko rike tourism-ko tang•doatna gita a•dok sorkari, gong crore 4000-mangni gita koros ka•na sienga ineba ia tom•anio Chief Minister parakataha.
Na·simang ia video-koba nina man·gen:
Na·simang iakoba poraina man·gen: Spear Corp-rang Kepang La Day-ni salko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
