Tura, Dec 3: Mongolbar salo, 200 Battalion BSF, Tura Civil Hospital baksa nangrimenba, Blood Donation Camp ba an•chi on•gilani program-ko Tura Danakgre-o donggipa BSF Combined Hospital-o ong•atangaha aro ia program-o gimik sak 26 BSF sipairang, an•tangtangni gamchatbegipa an•chirangko on•giltokaha.
Ia an•chi on•gilani program-ko, chang 60-gipa BSF Raising Day-ko maniani bak gita ong•atangaha aro ia program-o Tura Civil Hospital-ni Senior Medical & Health Officer Dr Dimpu R Marak, Tura Civil Hospital Blood Centre-o kam ka•enggipa manderang baksa, an•chi on•gilanirangko niangaha.
Ia an•chi on•gilani program-ko ong•atani bidingo Hub News-na talate on•angengon, ia program-o on•gilgipa an•chirangko Tura Civil Hospital Blood Centre-ona ra•anggen aro saenggipa manderangna jakkalna skang, ia an•chirangko porikka ra•e nichenggen ine Dr Dimpu R Marak aganaha.
200 Bn BSF-ni Commandant Vinod Yadav-ba ia blood donation camp-ona re•ange, BSF sipairangko an•chi on•gilchina didiangaha.
Na·simang ia video-koba nina man·gen:
Na·simang iakoba poraina man·gen: Project INROAD ning•o rubber re•aniko bariata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
