Shillong, April 24: Border Security Force (BSF) dolrang, ja 3-ni gisepo Meghalaya-Bangladesh sima ari jolo sak 78 Bangladesh-ni manderang aro sak 37 India-ni manderango man·chape chu·gimik sak 115 manderangko niam pe·anina rim·aha inenba BSF-ni Public Relation Officer u·iatengon, niamgri gri sima ari gita napbana dakchakgipa sak 6 manderangkoba rim·aha ineba ua u·iatangkuaha.
Ua somoio BSF dolrang, badingsrukatna jotton ka·anirangko champengan baksana champenggimin bosturang jekai Yaba tablet-rang, ganja, chu, nonga sitani, ba·ra kancharang aro mang 750 matchu matterangkoba rim·aha, jeni damrangan kror 11.70 mangni gita ong·gen.
Sima ari-rangko nirokana agreba, BSF dolrang jolo songdonggipa manderangnaba dakchakaniko on·a. Uamang chang 13 blood camp ba an·chi on·chakani camp-rang, songni manderangna dakchakaniko on·a ming 22 program-rang, indin check-up ka·anirang baksana chel·bea biaprango donggipa manderangna sana banani aro nangan bosturangko sokatna dakchakaha ineba ua parakataha.
BSF dolrang, sima ari-o neng·nikanirang, badingsrukaniko champenganirang aro ka·donggrikaniko mangrakbatatna chanchirimaniko dakna Border Guards of Bangladesh (BGB) baksaba apsan kamrangko ka·angaha. BSF dolrang, rim·a man·giparangoniko namen jakkaltobegipa koborrangko man·enba mikkangchi niam pe·anirangko champengna man·a gita police dolrang aro gipin agancy-rangnaba uamang u·iate on·angaha ineba BSF-ni Public Relation Officer parakataha.
Na·simang ia video-koba nina man·gen:
Na·simang iakoba poraina man·gen: Turao cenotaphko damgni biaprang-o songgen ine Preservation of Garo Culture and Heritageni committee agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
