Shillong, August 29: India a·songni jakgitelani bilsi 75 gapaniko maniani bak gita, Eastern Command Kolkata-ni ning·ogipa BSF dol dingtang dingtang kal·suaanirang jedake Robol, volley ball, photo de·susaani, Jatni dakbewalko mesokani aro gipinrangko July jaoni a·bachenge December jaona ong·atanggen.
Donsogimin program-ni ning·o BSF dol re·baenggipa September 1 tarikoni September 16 tarikona Shillongoni Delhi Songjinmaona motor Cycle-o songreaniko ong·atnasienga. Iako dakani mesokanian dingtang dingtang jatrang aro dakbewalrang ong·genchimoba a·song ge·sano gisiksan ong·e janggitangani bidingo manderangna skie on·jolanikoba dakanggen.
Apsan dake ramao NCC dolrangko gronge uamangna pekgipa jakkalani namgijani aro niamgri badingsrukaniko champengani bidingo skie dakmesokjolaniko dakanggen.
Bak ra·na sienggipa motor cyle bol 30 ong·gen. Meghalaya a·dokni DGP Dr Laijja Ram Bishnoi re·chakatchina chin on·gen indake HQ Special Director General (BSF) Kolkata-oni pilakkon nirokangskagen.
