Tura, Dec 16: Da•al sal gita chacha chong•motan bilsi 1971-o  Bangladesh a•song janggi jama on•chakpile jakgitelko man•aniko gisik ra•e maniangaha. Jakgitelni salko manianio a•song damgnini warachakgipa dolrang BSF aro BGB salam ka•grikan baksa 1971 bilsio jakgitelna dakgrikanio sianggipa matgrikrangko mande ra•e pul pataniko West Garo Hills-ni Killapara-o donggipa War Memorialo dakangaha.

Ua biapo dakgrikaniko gisik ra•beaniara uan Eastern front-o dakgrikdilgiparang BOP Killaparaona Pakistan-ni sipairangni napdrabaaniko ka•dongbee BSF-rang chel•chaksoahachim.

Maniani salo dingtangmancha BSF-ni Retired Commandant B S Tyagi-ko gisik ra•na krabea maina uasa East Pakistan Army-rang napdrabaengjok ine kobor-ko man•arion jakchomsamangmang sipaiko rimari ka•dongbee warachaksodilahachim. Ua dakgrikanio BSF sak 9 janggitangko on•chakna nangao ga•akaha.

War Memorial Killapara-o janggitangko on•chakgipa sipai matgrikrangna pulrangko pate  gisik ra•ani somoio dongpagiparangara, Sh Bhawant Singh Commandant SHQ BSF Tura, Sh Karunanidhi Tripathi Commandant, 55 Bn BSF, Sh Darbara Singh, Offg Commandant 75 Bn, Sh Pradip Doley Offg Commandant 28 Bn BSF iamangba dongpaaha.