Guwahati, March18: Mongolbar salo, Zamdur-ni MCLA aro BJP dolni dilgipa Reo Reoa Narzihary, be·en an·senggijani baksana tangka paisa aro gisikni gita neng·nikaniko janapenba, Kokrajhar a·jani BJP President-na BJP doloni ong·katani lekkako seataha.
2020 bilsio BJP dolo napchengaoni, Narzihary maming official biapko ra·jagenchim ong·oba, ua BJP dolo donge skie ra·na man·aniara gamchatbegipa ong·an baksana, uni bil ama dipet on·gilanirangko dakna man·ahanina kusi ong·bea ine janapatengon, ua Assam-ni Skotong Minister Himanta Biswa Sarma-ko uni dilanina rasong on·e aganangenba, Bodoland Territorial Region (BTR)-ni manderangna dangdike on·a cholrangkoba man·ahanina mitelangaha. Iani gisepon, ua mikkangchiba, UPPL-chi dilenggipa nangrimgimin sorkarina chakpaaniko on·angkugen ineba parakataha.
2020 bilsio, Narzihary, BPF-ni candidate ong·e BTC-na seokako man·a jamano ua BJP-o bakrimskaaha. A·bachengo, ua BTC Industries and Commerce-ni Executive Member ong·e kamko ka·engachim, indake jamano BJP dolna kamko ka·enggipa manderangna namgnirangko on·jaenga ine matnangatenba uko 2024 bilsio kamoniko ra·galataha.
Na·simang ia video-koba nina man·gen:
Na·simang iakoba poraina man·gen: Bonggagre Olbaknango Ayushman Bharat Health and Wellness Centreko oprake on·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
