Guwahati, May 5: BTech Pani Puri Wali ine mingsingako man·gipa Tapsi Upadhyay, bilsi 23 ong·gipa engineer badingchiwalgipa saksa ong·baaha. Ua re·anggipa March jani 9 tarikoni Mission Healthy Bharat-ni bak gita Merut-oni motorcycle-o saksan songrebaaniko a·bachengataha, indake ua me·chikrangni bil, samtangtango donggipa ong·telaigiparangna simsak nirokani aro dam 28 a·dokrang baksana dam 8 Union Territory-rango an·seng baljoke donganiko ra·dona miksonganio ua India gimik Sampoorna Bharat Yatra ine songreani bimungko donenba km 40,000 mang ramako saksan songreaniko dakbaenga.
A·dokrang jekai Uttar Pradesh, Bihar, West Bengal aro Sikkim a·dokrangko batbaenba ua da·o Assam Guwahati-ona sokbaaha. Uni songreani somoio ua Arunachal Pradesh, Nagaland, Mizoram, Meghalaya, Tripura aro Manipur-ko man·chape Salgro Salaram jolo donggipa a·dokrango awareness program-rangko gipatna miksongenba skul-rang baksana nambatgipa college-rang jekai IIT-rang NIT-rangonaba re·angenga.
Tapsi-ni College-o poraimitting somoio ua rongtalgipa aro namgipa bading chiwalanio gisikko on·batenba pani puri palaniko a·bachengatenba namen mingsingbeako man·aha. Ramasamo me·asarangni cha·ani palgipao ua saksa me·chik ong·e niksengako man·enba online-o giproroangaha aro bang·bea chadamberangna didianiko ra·baaha.
Uni Bullet bike-ko sale ua namen katta su·begipa ‘You are no less than anyone’ kattako giproroataha. Ka·dongani aro jumang baksa darang mandean dingtanganiko ra·bana man·a ine Tapsi bebe ra·gipa saksa ong·a. Salgro Salaram jolo donggipa manderangni ramram aro samtangtango donggipa ong·telaigiparang baksa janggi tangpaaniko ua namnikgipa saksa ong·a.
Uni re·mikkanganiara songreanisan ong·aija, indiba ian ka·dongani, ka·sae dakani gapan baksana India a·songko nambatatna jinma apsan kam ka·rimani bilko mesokani miksongani ong·a.
Na·simang ia video-koba nina man·gen:
Na·simang iakoba poraina man·gen: India-ni sima ari-o donggipa Shri Ganganagar-oniko Pakistan-ni Ranger-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
