Kokrajhar, Mar 16: Bodoland-o tom·tomaniko ra·bana gita ma·mong sorkari, pilak nanga ja·kurangko de·enga ine Robibar salo, Union Home Minister Amit Shah aganaha.
All Bodo Students Union (ABSU)-ni chang 57-gipa bilsini tom·bimonganio Union Home Minister, jinmana aganprakangengon, ABSU krenge kamrangko ka·jagenchimode Bodoland Territorial Region (BTA) Accord chu·sokgipa ong·chipjawachim ine mittelpile aganangaha.
Bodo dilgiparangko sorkari mande ra·ani giminsa Delhi-o rama dilsako Upendranath Brahma-ni bimingchi mingaha ineba Shah aganaha.
Shah-ni aganani gitade, 2020 bilsio BTR Accord-na soi ka·chengani somoio Bodoland-ona tom·tomani sokbachipjawa ine Congress dol, uko chonnikahachim indiba batanggimin bilsi bongani gisepo ia songgigrikanirangoni 82 percent-de chu·sokgipa ong·aha aro 2027 bilsiode ia BTR chu·gimik chu·sokgipa ong·na ka·dongenga.
Bodoland-oniko Armed Forces (Special Powers) Act (AFSPA)-ko ma·mong sorkarini ra·galpilahani gimin janapatengon, ian Bodoland-o tom·tomani sokbapilaniko mesokani ong·enga ine Union Home Minister aganaha.
Dingtang dingtang ku·sikrangko ra·dona krenge kam ka·anio, Bodo ku·sikkoba Constitution-ni Eighth Schedule-o chapataha ine janapatengon, salgro salaram jolrango bobil dake chakatani, so·sojengjeng ong·ani aro bandh ong·atanirangko bon·atna man·aha ine Shah, a·songni Prime Minister Narendra Modi-ko mittelpile aganangaha.
BTR jolni namroro silroroanina ma·mong sorkari, gong crore 15,000-ko chamaha ine janapatskaengon, Assam-o BJP sorkarini dilanichi bang·en bobil dolrangko bon·atna man·aha aro bobil dolrango napanggipa sak 10,000-na baten chadamberangko tom·tomaniona rimbana man·aha ine Shah aganaha.
Na·simang ia video-koba nina man·gen:
Na·simang iakoba poraina man·gen: MLA Charles Pyngrope, Shillong-o traffic-ni a·sel neng·nikanirangko komiatna SkyTrain aro STEMS bus-rangko ra·bachina ku·pattia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
