Itanagar, Sept 28: Sukrobar salo, Arunachal Pradesh Bhikkhu Sangha dol, 2024 bilsini August ja a•bachengo Bangladesh a•songo Sheikh Hasina-ni sorkari be•grua jaman so•so jengjeng ong•enganiko champengatan baksana Buddhist aro Hindu-rangni olakichakram nokrangko nosto ka•e galaniko champengatchina aro jela komigipa jatrangko naljokatchina gita Prime Minister Narendra Modi-na memorandum-ko sedoataha.
Ru•utgija salrangna skang Chittagong Hill Tracts (CHT) jolo ong•anggipa obostarang namen kenbegnigipa gadangona sokpilaha. 2024 bilsini September jani bijangchioni, uno songdongkamgipa Buddhist tribal jatrang chadrapanirangko chagrongna gita nangenga. Buddha Viharas torom nokrangko wa•al so•a, nosto ka•e galan baksana Buddha-ni rongtalgipa mangkrongrangkoba nosto ka•e galaha. Ia so•so jengjeng ong•ani a•sel nok jamrang nosto ong•atako man•e nokdangrang apjitatako man•an baksana bang•an nisiatako man•tokaha. Koborrangko man•soani gitade, bang•a janggirangba iani a•sel gimaatako man•an baksana bang•a nokdangrang brangako man•aha maina uamangni nokjamrang aro bading chiwale cha•gipa biaprang wa•al so•e galako man•tokaha, ineba memorandum-o janapataha.
Ia so•so jengjeng ong•anichi bang•a nisiatako man•ani a•sel, Buddhist aro Hindu-rangni gisiko kenjagokatanitangko ra•baaha. Ia ong•a obostarangara jela komigipa jatrangnasan kenani ong•ja indiba India aro Bangladesh a•songrangni gisepgriko skangoni ku•mong meli nangrime tom•tom ong•e dongbaanina kenchakaniba ong•enga. Ia somoi Buddhist bebe ra•giparangni rongtalgipa ranta ka•ani somoi ong•achim aro ia somoio iandakgipa nisiatani kamrangko ka•e so•so jengjeng ong•ataniara uamangni jatna namen ka•a chakna man•gijanirang ong•aha. Torom nokrangko wa•al so•ani aro Buddhist-ni mangkrongko nosto ka•ani jachipchangrang giproroani a•sel a•gilsak gimikni Buddhist-rangko ding•chaotengaha, ineba uamang janapataha.
Arunachal Bhikku Sangha-ni President, Ven. Dhammakitti Mahathero, Bangladesh-ni sorkariko ia ong•enggipa obostarangko ta•raken champengatan baksana jela komigipa jatrangko naljokatchina aro uamangni olakichakram biaprangna chelchakaniko on•china, gita didianikoba dakangaha.
Na·simang ia video-koba nina man·gen:
Na·simang iakoba poraina man·gen: IIT-Guwahati, chatro chatrirangna dakchakaniko on•a ja•ku de•anggen ine parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
